Nagpaandam si Finance Secretary Benjamin Diokno nga magalala lamang ukon magasaka sang 1.4 percentage points ang inflation sa pungsod pananglitan aprubahan ang saka nga P150 sa mimimum wage sa bug-os nga pungsod.
Ang pagpaathag ni Diokno kag paandam sa posible resulta sini sa inflation ang kasunod sang hagna nga gin-aprubahan “in principle” sa Senado sang nagligad nga bulan kun sa diin may P150 wage hike para sa mga naga-trabaho sa private sector sa Pilipinas.
Ang estimate ni Diokno nga 1.4 percentage points nga isaka sa inflation ang nakasandig man sa estimate sang National Economic and Development Authority (NEDA).
Ginpamangkot man sini kun sin-o ang magabenepisyo sa sini, kag kun sin-o ang magasuprer.
Pahayag pa ni Diokno, kun yara sa 5.5% ang inflation sa 2023, ang ginaduso nga wage hike ang mahimo makapatimbuok sa sini sa 6.9%.
Una na nga ginpaathag ni Senate President Juan Miguel Zubiri nga ginduso ang amo nga hagna bangud ang wage increases nga gina-aprubahan sang Regional Wage Board ang tuman ka nubo kag indi man makabayad sa inubrahan sang mga mamumugon. #
