Nagtanyag ang House good government and public accountability panel sang P1 million nga padya sa makahatag sang impormasyon kaangot sa certain “Mary Grace Piattos”.
Ini nga pangalan amo ang may pirma nga nagtuhaw sa kalabanan nga acknowledgement receipts para sa confidential funds sang mga opisina sa idalom ni Vice President Sara Duterte.
Gin-anunsyo sang panel vice chairman nga si Zambales Representative Jefferson ‘Jay’ Khonghun ang monetary reward matapos gintawag sang bise-presidente nga “politically motivated” ang ongoing inquiry kaangot sa pag-gamit sang budget sang OVP kag Department of Education (DepEd).
“[Mahalaga] na malaman natin kung ano iyong katotohanan. Napaka-importante na ‘yung mga tao mismo na tumanggap ng pondo, pumirma sa acknowledgement receipt, eh makausap at maka-attend ng hearing. Isa na nga dito, si Mary Grace Piattos. Kaya nag-usap-usap kami ng mga miyembro para mag-come up ng P1 million para ibigay kung sinuman ang may alam ng kinaroroonan ni Mary Grace Piattos,” suno kay Khonghun sa isa ka press conference.
Una na nga gin-anunsyo nga ang OVP kag DepEd ang nagpasa sang mga dokumento nga may sala nga mga petsa, mga pirma nga wala sang pangalan sang signatories, kag indi mabasahan nga pangalan sang signatories para ma-justify ang disbursement sang confidential funds sang 2022 and 2023.
Suno kay Khonghun, ang mga miyembro sang House Committee on Good Government and Public Accountability kag House Quad Committee ang nagpasaka sang bounty para nga mapatambong lang sa masunod nga congressional hearing si “Piattos”.#
