ILOILO CITY- Naganahan pa gid nga maghimo sang mas madamo nga entries ang daily draw winner sang Buena Mano Salvo Part 15 promo.
Sa interview sang Bombo Radyo kay Mary Ann Gamala sang Sto. Niño Norte, Arevalo, Iloilo City, iya ginpahayag nga ikaduha na ini nga pagdaug niya sa promo sang Bombo Radyo kag nalangkag na ini nga magdaug pa gid sa masunod nga mga draw.
Suno kay Gamala,dako nga grasya ang iya nabaton nga P1000 nga ginabug-usan sang P500 nga cash kag P500 nga balor sang gift pack nga nasulod sa Orocan nga balde ilabi na nga apektado ang trabaho sang iya bana kag may tatlo pa sila ka kabataan nga ginasagod.
Gin-agda man niya ang mga Ka-Bombo nga magpasakop man sa promo agud magdaug man sang dalagko nga mga papremyo kag mahatagan sang kahigayunan nga mangin ika -71 nga milyonaryo sa grand draw.
