Ginmanduan sang Energy Regulatory Commission (ERC) ang Manila Electric Company (Meralco) nga ibalik ang malapit P2.64 billion sa mga customer sini.
Ini bangud nahibaluan nga naglapaw ang nakolekta nga distribution charges sang nasambit nga kompanya sa bulan sang Enero tubtob Hunyo 2026.
Suno sa ERC, yara sa P0.1020 kada kilowatt-hour (kWh) ang average refund nga ginpatuman sa idalom sang 6 ka bulan kun sa diin mas manubo ini kaysa sa 12 ka bulan nga refund period nga una ginpatuman sang Meralco.
Ginpahayag sang komisyon nga pagkatapos sang pagbusisi sang aktwal nga kita kag benta, nakakolekta ang Meralco sang mas mataas kaysa sa gin-aprubahan nga distribution rate.
Kun mahimo nga mapatuman, separar ang pagplastar sang refund sa bulanan nga bill nga may label “(Refund)/Collect”, apang ginklaro sang ERC nga temporaryo lang ang kantidad sang refund kag pwede pa ini magbag-o depende sa final evaluation sang komisyon.
Sa subong, padayon nga gina-monitor ang implementasyon sang refund tubtob nga mabalik ang bug-os nga pondo sa mga customer.
Text by: Bombo Shaine Toleran
