ILOILO – Aprobado na ang P2 Million nga pondo para sa elementary kag high school athletes sa probinsya sang Iloilo.
Sa interview sang Bombo Radyo kay Iloilo 3rd District Board Member Matt Palabrica, iya ginpahayag nga P4 Million ang iya ginpangayo nga pondo apang katunga lamang ang gin-aprobahan.
Suno kay Palabrica, ang nabilin nga P2 Million ang ipaagi na lang sa supplemental budget.
Ginpahayag ni Palabrica nga mangin benepisyaryo sang nasambit nga pondo ang tanan nga alteta sa public ukon private elementary kag high school sa probinsya sang Iloilo.
Nakadepende naman sa pagatukuron nga komitiba ang pagtumod sang benepisyaryo sang allowance kag incentives.
