Gin-anunsyo ni Agriculture Secretary Francisco Tiu Laurel Jr. nga ila pa palaparon ang programa nga P20 kada kilo nga bugas sang gobyerno sini nga tuig 2026.
Kabahin ini sang plano sang gobyerno nga malab-ot ang 15 million ka mga kabalayan tubtob nga matapos ang tuig 2026.
Nag-allocate na ang gobyerno sang P23 billion para sa subsidiya sang P20 rice program subong nga tuig 2026 kag ginatutukan ang mga sector nga nagakinahanglan gid sang bulig.
Ginabulubanta nga maga-abot sa 780,000 ka mga kabalayan ukon indi magkulang sa 3.2 million ka mga Pilipino ang makabenipisyo sa sini nga programa sa bulan sang Enero tubtob Pebrero.
Magapabilin ang limitasyon sa pagbakal sang bugas agud nga ma-manage sang maayo ang suplay.
Dugang pa sang tiglikom sang Department of Agriculture nga pahanugutan sa gihapon nga makabakal ang mga senior citizen tubtob sa 30 ka kilo sa kada bulan.
Samtang, 10 ka kilo naman ang sa iban pa nga banepisyaryo.
