Gin-athag ni Iloilo Governor Arthur Defensor, Jr. nga wala ginkakas ang confidential fund sang provincial government bangud ginbutang ini sa donation para sa peace and order.
Sa interview sang Bombo Radyo kay Governor Defensor, iya ginpahayag nga ginpain ang P20-million nga confidential fund para sa Peace and Security sang Iloilo.
Suno kay Defensor, labing-kinahanglan nga mabuligan ang mga programa sang law enforcement agencies sa probinsya agud mapasangkad ang seguridad kag mapabilin ang kalinong.
Ginpahayag man sini nga lakip sa kadtuan sang pondo amo ang duta sa mangin opisina sang Law Enforcement Agency, programa para sa mga inmates sang Bureau of Jail Management and Penology (BJMP), kag pagbakal sang mga equipment.
Nagpasalig man ang gobernador nga maga-agi sa proper liquidation ang paggasto sa nasambit nga pondo.
