Ginbuhinan ang P20 million nga ginhatag sang National Task Force to End Local Communist Armed Conflict (NTF ELCAC) sa Barangay Lapuz Norte, Iloilo City — isa sa mga barangay nga gindeklara nga cleared na sa insurhensya.
Anom ka mga baranggay sa syudad ang nakabaton sang P20 million para sa mga masunod:
*1-kilometer farm-to-market road (P12 million)
*classrooms (P3 million)
*water and sanitation systems (P2 million)
*health station (P1.5 million); kag
*livelihood projects (P1.5 million)
Sa interview sang Bombo Radyo kay Punong Barangay Ricardo Flores, iya ginpahayag nga P7 million ang ginbuhin sa pondo nga para sa Barangay Development Program (BDP) sang NTF-ELCAC kag ginaalegar ginpain para sa pagbakal sang COVID-19 vaccines sang syudad.
Suno kay Flores, sa nabilin nga pondo sa ila barangay, gintigana na lang ini para sa solar panel kag pagpatukod sang health center.
Nahibaluan nga anom ka mga barangay sa syudad sang Iloilo ang gindeklara nga cleared na sa insurhensya humalin sang 2016 tubtob 2019.
