Nagapati si Vice President Sara Duterte nga gamiton na naman ang promisa nga panubuon ang presyo sang bugas agud nga ma-intuan ang mga tawo nga magboto sa mga kandidato sang Marcos administration sa 2025 elections.
Ginpahayag ini sang bise presidente matapos gin-anunsyo sang Department of Agriculture ang plano nga magbaligya sang P20 kada kilo nga bugas sa Visayas.
Suno kay Sara, amo pa ini ang promisa sang una nga wala gihapon nahimo tubtub subong bangud indi sila makahibalo kun paano iimplementar.
“Well, hindi ko alam kung anong motibo nila. Baka, yes, inaano na nila ang mga tao, binubudol na naman nila ‘yung mga tao sa P20 per kilo na bigas,” pahayag sang VP.
Wala ini sang ginmensyonar nga pangalan apang kun matandaan, si President Ferdinand “Bongbong” Marcos Jr. nga iya runningmate sa 2022 presidential elections, ang nagpahayag nga iga-rekomendar sini ang price cap nga magapanubo sang presyo sang bugas sa P20 tubtub sa P30 per kilo.
“’Di ba ‘yan na ‘yung sinasabi nila noon pa na hindi nila magawa hanggang ngayon dahil hindi nila alam kung paano gawin?” suno kay Sara.
“At dahil sa totoo lang, nung sinabi yung P20 per kilo na bigas ay nagsinunggaling yung nagsabi. Alam niyang hindi kayanin pero pinaasa niya ang mga tao na ibibigay ‘yun,” dugang sini. “Promise na naman ‘yan sa mga tao na alam mong para lang sa eleksyon at para lang sa kanilang mga senators, para manalo ‘yung kanilang Alyansa kuno,” Sara Duterte said.
Gindugang pa gani sang bise ang kahangawa nga basi kun magbaligya ang gobyerno sang bugas nga inugdamog na sa baboy.
“‘Pag sinabi natin na P20 per kilo na bigas, ‘yung pwede kainin ng tao… ‘Yan ‘yung P20 per kilo na binibenta, ‘yung pinapakain sa baboy. Hindi mga hayop ang mga Pilipino. Kapag nagbenta kayo ng P20 per kilo, bibili kami lahat kasi pwede siya kainin ng tao,” dugang sini.
Kahapon, Abril 23, sang nag-anunsyo si Agriculture Secretary Francisco Tiu Laurel Jr. sang plano sang manubo nga presyo sang bugas.
Ginsiling sini nga ang pilot area amo ang Visayas, kag gindugang niya nga luyag ni Marcos nga iimplementar ini sa bug-os nga Pilipinas.
Wala pa sang sabat ang Malacañang sa komento ni Sara.
