ILOILO CITY – Duha na ka mga banwa sa Iloilo ang nagsabat sa panawagan sang PNP nga maghatag sang reward money para sa madasig nga pagdakop sa top drug personalities sa Western Visayas nga sanday Ernesto Bolivar kag Federico “Master Pidik” Balumi.
Suno kay Iloilo Provincial Police Office (IPPO) director S/Supt. Marlon Tayaba, nagpasalig na sanday Sarah Mayor Salcedo kag Mayor Tomas Penaflorida sang Pototan nga magahatag sang kantidad.
Ginpahayag ni Iloilo Gov. Arthur Defensor Sr. nga P200,000 ang ginhatag sang Pototan para kay Bolivar.
Ang duha ang mga High Value Target Level 3 sang Police Regional Office 6.
Si Bolivar ang ginakabig karon nga top drig lord sang Western Visayas kag anay sub-leader sang drug lord nga si Richard Prevendido.