ILOILO CITY – Ginadesisyunan pa sa gihapon sang Iloilo City Government kun ano nga sahi sang vaccine ang baklon sang syudad.
Sa interview sang Bombo Radyo kay Jeck Conlu, COVID-19 team spokesperson, iya ginpahayag nga may yara na sang P200 million nga balor sang pondo ang syudad sang Iloilo para sa pagabaklon nga COVID-19 vaccine.
Suno kay Conlu, padayon nga nagasapol ang Vaccine Procurement Committee sang syudad lakip na ang COVID-19 Team kag medical personnel.
Ginpahayag ni Conlu, maid-id nga ginaplanuhan ang pagpili sang baklon nga COVID-19 vaccine agud masiguro nga pinakamaayo, epektibo kag safe ini.
Sa subong suno sa natungdan, ginatinguhaan sang Iloilo City Government nga madugangan pa ang pondo para sa nasambit nga bakuna.
