Arestado ang isa ka 31-anyos nga babaye matapos ginkawat ang malapit P200,000 nga donasyon sa simbahan sa Minglanilla, Cebu.
Ang kwarta ang halin sa natipon sang Misa de Gallo kag donasyon sang new year.
Nakuhaan sang CCTV footage nga nagsulod ang suspek nga si Christine Amante Ababon sa compound sang simbahan kag gintaban ang kwarta.
Paagi sa impormasyon halin sa isa ka concerned citizen, natultulan sang kapulisan ang balay sang suspek kag nakumpiska ang ₱15,000 nga kabahin sang ginkawat nga kwarta.
Napreso na ini subong sa Minglanilla Municipal Police Station kag mangatubang sang kaso nga robbery with force upon things.
Ginahibalo pa sang otoridad kun sa diin gintago sang suspek ang iban nga kwarta.
