Posible nga indi na mabayaran ang P203 billion nga estate taxes liabilities sang Pamilya Marcos kun si presidential candidate Ferdinand Bong Bong Marcos Jr ang magdaug bilang presidente.
Ang estate tax nagatumod sa dapat bayaran nga buwis bangud sang mga propiedad nga ginpanubli gikan sa napatay nga himata ukon pamilya nga amo ang orihinal nga nagapanag-iya sang amo nga mga propiedad.
Sa sini nga kaso, 1989 pa napatay si anay Presidente Ferdinand Marcos, Sr., kag sang 1997, nagdagdag sang desisyon ang Korte Suprema kun sa diin nakasaad nga naglab-ot sa P23 billion ang kulang sang mga Marcos sa estate tax.
Ang nakabutang nga mga manugpanubli ni Marcos Sr., amo ang asawa sini nga si Imelda, kag mga anak nga sanday Imee, Bongbong, kag Irene.
Sa interview sang Bombo Radyo kay Atty. Noel Palomado, Bombo Abogado, iya ginpahayag nga posible nga magbag-o, mapanas ukon mabaliskad ang desisyon sang korte suprema ilabi na kag nahibaluan kun ano ang puder ukon pwersa sang isa ka presidente.
Wala sang imposible suno kay Palomado sa mga sarang mahimo sang isa ka sitting president.
Ang prioridad subong sang mga Marcos suno kay Atty. Palomado, indi kun paano mabayaran ang ila utang kundi amo nga masigurado nga magdaog si Bong Bong Marcos Jr sa pagka-presidente.
Nahibaluan nga makapila naman ka beses nga ginaduso sang pamilya Marcos nga pending sa gihapon sa korte ang ila tax case apisar sang 1997 ‘final and executory’ decison sang korte suprema.
