Nakuhaan sang P3.8 million nga balor sang suspected shabu ang lima tanan ka indibidwal sa ginpatigayon nga drug buy bust operation sang Provincial Drug Enforcement Unit (PDEU) sa Brgy. Poblacion Zone 1, Estancia, Iloilo, kahapon nga adlaw, Abril 7,2026.
Ang subject amo sanday Alyas Kurt, 20-anyos, wala sang ubra, kag residente sang Brgy Botongon, Estancia, Iloilo; amo man si Alyas Jade 35-anyos, wala sang trabaho, kag Alyas Rafael, 42-anyos, seaman kag mga residente sang Zone 1, Estancia; nadakpan man si Alyas Lenard 21-anyos, wala man sang trabaho kag residente sang Brgy Gogo, Estancia; ikalima amo si Alyas Charlie, 19-anyos, wala sang ubra, kag residente sang Brgy Tabu-an, Estancia, Iloilo.
Na-recover sa lima ang 560 grams sang suspected shabu.
Suno sa report ang amay ni alyas Kurt ang source sang illegal nga druga kag ginapahayag nga naga-supply man sa Quinto Distrito.
