ILOILO CITY- Nagpakig-angot na sa pila ka mga ahensya sang gobyerno ang Iloilo Schools Division Office sang Department of Education (DEPED) para mabuligan ang Cabasi-Sta. Rosa Integrated School sa Guimbal, Iloilo.
Matandaan nga lima ka mga hulot sang eskwelahan ang ginlamon saang kalayo sa natabo nga sunog sang Agosto 18 sang kaagahon.
Sa interview sang Bombo Radyo kay Mr. Leonil Salvilla, spokesperson sang Iloilo Schools Division Office, iya ginpahayag nga sa subong, temporary nga nagaklase ang apektado nga mga estudyante sa gin-obra nga hulot sa covered gym sang amo nga buluthuan.
Suno kay Salvilla, ginaasikaso na nila ang mga kinahanglan nga dokumento para makahimo sang immediate measure.
Dugang pa sang natungdan, nakabaton man sang mga plastic chairs kag temporary wooden tables ang amo nga buluthuan.
Nagpakig-angot naman ang ila talatapan sa pila ka mga ahensya para mabuligan nga mapatindugan sang classrooms ang mga estudyante.
Nagdangat sa P3,072,000 ang estimated damaged sang nasunog ang 5 ka hulot nga ginasudlan sang 122 ka mga estudyante.
