Magabaton sang cash assistance ang mga nabiktima sang Bagyo Agaton.
Sa interview sang Bombo Radyo kay May Rago Castillo, spokesperson sang Department of Social Welfare and Development (DSWD) Region 6, iya ginpahayag nga P3,000 ang mabaton sang tagsa ka mga apektado sang Bagyo Agaton base man sa ginpasa nga listahan sang tagsa ka Local Govenment Unit (LGU).
Suno kay Castillo, una na sila nga nakapanagtag sang P5,000 sa 393 ka mga pamilya sa Pontevedra, Capiz.
Apang sa subong, tag P3,000 na lang ang mahimo mabaton sang tagsa ka mga pamilya ukon indibidwal sa diin magadepende ini sa assessment sang LGU.
Ginpahayag ni Castillo nga tanan na nga mga LGU sa Western Visayas nga apektado sang Bagyo Agaton ang nakapasa na sang report sang mga apektado nga residente.
