ILOILO – Mahimo na nga magamit ang P31.4 million nga pondo para sa mitigating measures matapos ginpaidalom sa state of calamity ang Probinsya sang Iloilo nga apektado sang El Niño.
Sa interview sang Bombo Radyo Iloilo kay Vice Gov. Christine Garin, iya ginpahayag nga dako ang mabulig sang nasambit nga kantidad ilabi na sa mga mangunguma.
Ang P31.4 million ang ginabug-usan sang P10.8 million para sa agrikultura nga gamiton agud ibakal sang liquid organic fertilizer ; P13 million para sa social service ukon food for work; P100, 520 para sa health impacts kaangay sang water borne diseases; P4 million para sa jetmatic pumps; P2 million para sa anti-bacterial, vaccines; P500,000 para sa Information Education Campaign, fireline, kag guarding kag P500,000 para sa brochures sang Information Education Campaign campaign.
Nahibaluan nga nagadangat na sa 1.2 billion ang halit nga natuga sang El Niño sa probinsya partikular sa palay, mais, kag high value commercial crops.
Masobra 456,000 naman ka mga mangunguma ang apektado sang kalamidad.
Samtang, 39,000 ka ektarya sang umahan ang apektado sang El Niño.
