Ginapadasig na ang pagpadala sang United Nations sang halos $6 million ukon P354 million agud buligan ang masobra 400,000 ka mga Pilipino nga yara sa katalagman tuga sang bagyo Uwan.
Ginhimo ini sa idalom sang anticipatory action framework sang UN, duha ka minuto matapos masabat ang mga kondisyon.
Paga-gamiton ang pondo sang Lima ka UN agencies agud magdul-ong sang pagkaon, serbisyo medikal, proteksyon, kag tubig.
Suno sa UN body, tinutuyo sini nga mabuhinan ang halit sang bagyo sa tunga sang aktibo nga panahon sang kalamidad sa pungsod.
Ginalauman nga madugangan pa ang reported nga halit bangud tubtob subong wala pa nag-untat ang mga pagbaha sa low lying areas.
Antes sini, nahalitan man ang pila ka mga lugar sa pungsod bangud sa bagyo Tino.
