Arestado ang isa ka high-value target kag ang kaupod sini matapos nga nakuhaan sang kapulisan sang P476,000 nga balor sang suspected shabu sa Barangay Zarrague, Pototan, Iloilo.
Ang mga subject amo sanday alyas “Kerker”, 23, kag “King”, 48, lunsay residente sang nasambit nga lugar.
Sa interview sang Bombo Radyo kay Police Captain Jersey Besas, hepe sang Pototan Municipal Police Station, iya ginpahayag nga nakuha sa mga suspetsado ang ginabanta 70 grams sang suspected shabu.
Suno kay Besas, narekober man sa ila ang isa ka pusil nga may lima ka live rounds sang bala kag pila ka drug paraphernalia.
Natigayon naman ang operasyon paagi sa Pototan Municipal Police Station (MPS), Regional Mobile Force Battalion 6, kag Iloilo Police Provincial Office’s (IPPO) Provincial Drug Enforcement Unit.
Preso na sa custodial facility sang Pototan Police Station ang mga subject nga nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
