Nagdangat sa P5.1 billion ang napyerde sang pribado nga sektor bangud sa pag-expire sang 4,252,830 ka COVID-19 vaccines suno kay former Presidential Adviser for Entrepreneurship Joey Concepcion.
Sa statement ni Concepcion, ginpahayag sini nga maga-expire sa Hulyo 31 ang final batch sang AstraZeneca vaccines.
Subong nga adlaw naman, Hulyo 27, sang nag-expire ang last batch sang Moderna vaccines.
Sa kabug-usan, 3,629,150 diri ang Moderna vaccines; buot silingon, Pfizer vaccines na lang ang nabilin para sa first and second boosters nga mahimo gamiton.
Kadungan sang pagpaguwa sini nga data, ginpahayag ni Conception nga may “lack of urgency” sa bahin sang Department of Health kag sa Health Technology Assessment Council (HTAC) bangud late na sang na-desisyunan sang ahensya nga pasugtan ang paghatag sang second booster vaccinations sa mga tawo nga naga-edad 50 anyos pasaka kag 18 tubtub 49 anyos nga may comorbidities.
Bangud kahinay sang hulag sang DOH suno kay Concepcion, nauyang ang bakuna kag posible man nga mag-expire ang mga bakuna nga iya sang gobyerno.
Nahibaluan nga sa idalom sang tripartite agreement sang ginbakal ang Covid-19 vaccines, ang gobyerno ang naga-uyat sang katunga sang bakuna nga ginbakal sang private sector.
Abril pa lang, nagpanawagan na si Concepcion sa gobyerno nga pahanugutan ang ikaduha nga booster vaccinations agud nga ma-save pa ang suplay kag indi mabasura.
Ginpahayag man sini sang una nga handa man ang private sector nga magpabakuna.
Apisar nanugunan, may paglaum man ang natungdan nga may “positive developments” matapos nagpasalig si President Ferdinand ‘Bongbong’ Marcos, Jr. nga lakip ang Health sa iya nga prayoridad.
