ILOILO CITY – Wala pa sa gihapon nakapagwa sang petsa ang pila ka government agencies kun san-o na masugod sa pagpanagtag sang P500 monthly cash aid para sa mga pigado nga mga Pilipino bangud ang guidelines ang gina-finalize pa sang Department of Social Welfare and Development (DSWD).
Natalana nga magpagwa sang joint memorandum circular ang Department of Finance, Department of Budget and Management, DSWD kag iban pa nga ahensya sang gobyerno nga nagapatpat sang detalye sang ayuda.
Suno kay DSWD spokesperson Irene Dumlao, sang Byernes, nagpatigayon sang pagsinapol ang ahensya sa mga economic managers agud nga matumod ang institutional arrangements kag eligible beneficiaries.
Inidi pa mapat-ud suno kay Dumlao kun sa diin kuhaon ang budget para sa ayuda rason nga indi pa makapagwa sang dugang nga detalye ang ahensya.
Nahibaluan nga ginpahayag ni Presidente Rodrigo Duterte nga pataasan sa P500 ang ayuda bangud sang nagataas nga presyo sang gatong kag mga nagapanguna nga balaklon.
Suno naman sa DBM, kung P500 ang ayuda nga ihatag, tubtob tatlo gid lamang ka bulan ang masarangan sang gobyerno.
Sa Martes, ginalauman nga mataas naman ang presyo sang gatong sa pungsod.
