MANILA – Nagpanawagan ang Philippine Red Cross sa Philippine Health Insurance Corporation (PhilHealth) nga bayaran na ang ila P571 million nga utang.
Ini matapos nga nakabakal sang barato nga COVID-19 tests ang Pilipinas halin sa China.
Suno kay Sen. Richard Gordon, chairman sang Philippine Red Cross, naghingyo sila sa China nga panubuan ang COVID-19 testing sa P3,409 sa diin nagakadapat nga indi ini maglapaw sa presyo sang gobyerno nga P3,800.
Matandaan nga gin-untat sang Philippine Red Cross ang ila COVID-19 testing para sa mga returning Filipino migrant workers matapos wala mabayaran sang PhilHealth ang ila utang nga P1 billion.
Gilayon naman nga ginbalik ang serbisyo matapos naghatag sang partial nga bayad ang PhilHealth sa Philippine Red Cross.
Nahibaluan nga nagadangat sa P4,800 ang bayad para sa COVID-testing sa Ninoy Aquino International Airport.
“Nagbabayad na sila (PhilHealth) ngayon P100 million every 10 days…At least nagababayad na ngayon. Nahihirapan din kami. Kahapon, may dumating – ang supply ng test kits, P200 million,” pahayag ni Gordon.
Sa subong, may nabilin pa nga utang ang PhilHealth sa Philippine Red Cross nga nagdangat sa P571 million.
“Ang outstanding balance ngayon, P571 million. Sana kung mapapakiusapan idikit na yan… dahil natawaran natin yung China doon. Talagang dikdikan ang tawaran. Makukuha na natin nang mas mura ang test kits.”
Ginapasalig man sang senador nga tinguhaan niya nga mapanubuan sa P3,300 ang COVID-19 testing para sa mga walk-in patients sa Red Cross.
“Pwera lang pag nagmamadali. Syempre, isisingit mo yan sa linya ng testing,” dugang pa ni Gordon.
