Gin-aprubahan na sang Kamara sa third and final reading ang House Bill (HB) No. 10800 nga nagaunod sang P6.352 trillion proposed budget para sa 2025.
Sa plenary session, 285 ka mga mamalidha ang nagboto-pabor sa General Appropriations Bill (GAB), tatlo ang negative, samtang wala naman sang nag-abstain.
Ang approval sa ikatatlo nga pagbasa ang natabo inoras lang matapos gin-aprubahan man ang hagna sa second reading.
Natabo ang pag-approve sa second kag third reading sa sulod sang isa lamang ka adlaw matapos ginsertipikahan ni President Ferdinand Marcos Jr. ang HB No. 10800 bilang “urgent.’
Sa idalom sang pagsulundan, ang hagna nga ma-certify sang presidente nga “urgent” ang mahimo makonsidera sa third reading kag indi na kinahanglan sundon ang requirement nga maghulat pa sang tatlo ka session days matapos ang second reading approval.
Lakip sa gin-adoptar sang Kamara amo ang proposed amendments nga ginduso sang House committee on appropriations nga amo ang pagbuhin sang budget sang Office of the Vice President sa P733 million.
Ang orihinal kuntani nga budget nga gin-propose para sa opisina ni Vice President Sara Duterte sa idalom sang National Expenditures Program (NEP) ang nagdangat a P2.037 billion.
Apang ginduso sang mga mamalidha nga buhinan ini bangud sa pamatasan sang bise presidente sa atubang sang panel kag mga pasabog nga mga kontrobersiya sa pila ka programa sa idalom sang Office of the Vice President.
Ginhatagan pa si Sara sang ikaduha nga tyansa nga magkadto paagi sa pag-reschedule sang deliberasyon sa budget sang iya opisina apang wala gid ini nagsipot agud depensahan ang iya proposed budget para sa 2025.
“Ang magiging badyet para sa OVP ay P733 milyon na halos kapareho ng badyet noong panahon ni Vice President Leni Robredo. Kasama na dito ang P30 milyon na makakatulong sa pagharap ng OVP sa epekto ng pagtaas ng presyo ng mga bilihin,” suno sa statement ni Romualdez.
“May ilang miyembro ng Kongreso na nagmungkahi na bawasan pa ang badyet ng Office of the Vice President, at ang iba pa ay nagpanukala na gawing zero ang pondo ng tanggapan dahil sa kanyang hindi pagsipot. Ngunit tinanggihan ko ang mga mungkahing ito,” dugang sini.
“Naiintindihan ko ang mga pagkadismaya, pero naniniwala ako na mahalaga pa ring magkaroon ng sapat na badyet ang Office of the Vice President para magpatuloy sa paglilingkod sa ating mga kababayan. Kung tatanggalin natin ang pondo, wala ring pakinabang ang mga mamamayan, lalo na ang mga umaasa sa serbisyo ng opisina,” kabahin pa sang statement.#
