ILOILO CITY- Gin-aprubahan sang Board of Investments (BOI) ang P640.22 billion nga balor sang investments para sa una nga lima ka bulan subong nga tuig.
Nagapanguna diri ang domestic investments kag continuous projects sa renewable energy (RE) sector.
Ang investment figure sa pagtakop sang Mayo 2024 ang 14 percent nga mas mataas sa P562.90 billion nga na-record sa pareho man nga period sang nagligad nga tuig.
Ang domestic investments ang ang yara sa P525.85 billion.
Mayorya diri ang nahimo para sa mga proyekto sa CALABARZON area nga nagabalor P538.52 billion, ginasundan sang Ilocos Region nga may P28.49 billion; Central Luzon nga may P24.42 billion; Bicol Region nga may P13.28 billion; kag Western Visayas nga may P8.54 billion.
Samtang,ang foreign investments naman ang naglab-ot sa P114.37 billion, sa diin ang Switzerland ang may pinakadako nga share nga P62.89 billion, ginasundan sang Netherlands nga may P39.33 billion; Singapore nga may P6.07 billion; China nga may P1.53 billion; Taiwan nga may P1.28 billion; kag United States nga may P953 million.
Sa kabilugan, ang foreign kag local investments ang gina- forecast nga magbukas sang 13,871 ka bag-o nga mga trabaho para sa mga Filipinos.
