Ginpagwa na sang Department of Budget and Management (DBM) ang P7 billion para sa cash subsidies sang public utility drivers nga apektado sa pagsaka sa presyo sang produktong petrolyo.
Suno sa DBM, ang amo nga amount ang ginhatag sang Department of Transportation (DOTr) para sa implemetasyon sang Service Contracting Program (SCP).
Sa idalom sang amo nga programa, ang PUV operators ang mapaidalom sa kontrata pinaagi sa Land Transportation Franchising and Regulatory Board (LTFRD) sa diin ang PUV drivers ang makabaton sang regular performance-based subsidies base sa numero sang ila byahe sa sulod sang isa ka semana.
Ang LTFRB ang magakoordinar sa priority local government units agud nga ma-engage ang public transport cooperatives, asssosasyon ukon kooperatiba nga naga-operate sa ila nga jurisdiksyon.
Nahibaluan nga wala gin-aprubahan sang gobyerno ang pag suspende sang fuel excise taxes apisar sang padayon nga pagsaka sa presyo sang gatong sa baylo nga magahatag sang subsidy agud nga mahagan hagan ang impact sini sa transport sector.
