ILOILO CITY – Ginpaidalom sa Thermal destruction ang P8.8 Million nga balor sang illegal drugs nga nakuha gikan sa drug operations sa Western Visayas.
Sa interview sang Bombo Radyo kay Philippine Drug Enforcement Agency 6 Director Alex Tablate, iya ginpahayag nga magluwas sa illegal drugs, ginlakip man sa Thermal destruction ang mga expired nga bulong nga ginturn-over sang pharmaceuticals kag hospital.
Suno kay Tablate, ang P7.2 Million nga balor sang illegal drugs ang ginpresentar sa korte kag ang kaso ang nadesisyunan na samtang ang expired nga mga bulong ang nagalab-ot naman sa P1.5 Million.
Ang Thermal destruction suno kay Tablate ang ginapahanugutan sang Department of Environment and Natural Resources agud nga indi na magamit ang illegal drugs.
