Agud maengganyo ang mga tawo nga magpatublok sang COVID-19 vaccine, magapa-raffle sang buhi nga baka ang isa ka banwa sa Thailand.
Halin sa masunod nga bulan tubtob matapos ang tuig 2021, kada semana ang himuon nga pa-raffle sa Mae Chaem district sa probinsya sang Chiang Mai.
Ang mga nakapabakuna lang nga mga residente ang mahimo makapakigbahin sa raffle.
Ang madag-an sa raffle amo ang baka nga nagabalor na 10,000 baht ukon masobra P15,200.
Suno kay district chief Boonlue Thamtharanurak, nangin mainit man ang pagbaton sang mga tawo sang amo nga pakulo.
“Our vaccine registration numbers have gone from hundreds to thousands in a couple of days. The villagers love cows. Cows can be sold for cash,” pahayag ni Boonlue.
Suno sa natungdan, masobra sa 4,000 ka tawo sa priority groups, lakip na ang nagaedad 60 pasaka kag may pre-existing conditions ang nagpalista para sa vaccination kag raffle.Hunyo 7 magaumpisa ang banwa sang vaccination — santo sa vaccination rollout sang Thailand.
Nahibaluan nga patok sa amo nga pungsod ang lain-lain nga pakulo agud nga mapasaka ang interes sang tawo sa bakuna — may yara nga nagatanyag sang bulawan nga kulintas, store discount coupons, kag cash.
Santo sa record sang health department, kapin 1.64 million na sang 66 million population sang Thailand ang nakabaton sang ila first dose sang bakuna kag masobra na sa 7 million ang nakaparehistro.# — Reuters
