Ber month na mga ka-Bombo!
Apisar sa mga malain nga nagkalatabo subong nga 2020, nagalaom kita sa gihapon nga mangin maayo, manami kag matawhay ang pagsaulog ta sang paskwa.
Para sa iban, ang paskwa ang tion sa pagselebrar, pag inom-inom, paghatag sang oras sa imo mga pinalangga nga tawo kag syempre tion agud nga mag-enjoy.
Apang sa mga tawo nga nagasuprer sang mental health condition, ang yuletide season ang mahimo nga mangin mabudlay para sa ila.
Kun adlaw sang paskwa, kadam-an sa aton ang nagapangalipay.
Apang sa mga tawo nga may depression, ang malipayon nga palibot nga makit-an sini ang makapalala pa sang ila nabatyagan.
Panugyan ni Dr Neil Jeyasingam, isa ka psychiatrist sa United Kingdom, kun ikaw ang may depression, importante nga mangin maayo ikaw sa imo kaugalingon ilabi na kun adlaw sang paskwa kag indi mo pagpahanugutan nga kan-on ikaw sang kasubo bangud sa imo kondisyon.
Yari ang pila sa mga pamaagi agud nga malikawan ang kasubo sa adlaw sang paskwa.
*Mag istorya ikaw sa imo pamilya ukon sa imo abyan kun ano ang imo nabatyagan.
*Likawi ang alcohol bangud ini ang pa ang nagapalala sang imo ginabatyag.
*Mangin positibo — isulat ang tatlo ka mga positibo nga butang sa imo kabuhi kada gab-i antes ikaw magtulog kag i-reflect ini kun ikaw ang magbugtaw sa aga kag;
*Indi pag i-isolate ang imo kaugalingon. Kun may pagtililipon sa inyo pamilya sa adlaw sang paskwa, magguwa sa imo kwarto kag mag-upod sa pagselebrar.
