Kasunod sang pag-withdraw ni Senator Christopher “Bong” Go sang iya kandidatura sa pagka-presidente sa masunod nga tuig, sin-o na lang ang iga-endorso ni Presidente Rodrigo Duterte?
Bukas sa posibilidad ni Senator Manny Pacquiao.
“Kung ie-endorso ako, walang problema. Pagkakaisa naman ang isinusulong natin kasi biblical naman yan eh. ‘[If] a kingdom is divided against themselves, that kingdom cannot stand. If a house is divided, that house cannot stand,'” suno sa boxer-turned-senator nga isa man subong ka presidential aspirant.
Sang tinalikdan lang mga bulan, nangin talalupangdon ang away sa tunga ni Pacquiao kag Duterte kasunod sang pag-criticize ni Pacquiao sa polisa ni Duterte sa West Philippine Sea.
Gin-akusaran pa sini ang health department sang graft and corruption.
Antes ang away, magkaalyado ang duha bangud pareho sila nga yara sa ruling party nga PDP-Laban. Sang ulihi, nabungkag ang partido kag natunga sa duha ka faction — faction ni Pacquiao kag faction ni Energy Sec. Alfonso Cusi.
Apang kun balik-balikan, sang Nobyembre 9, nagsapol sanday Pacquiao kag Duterte sa Malacañang para sa “renewal of friendship”. Una na nga ginpahayag sang Palasyo sang Malacañang nga si Go ang nag-request sang meeting. Una naman nga nagpanginwala si Pacquiao nga siya ang nag-insister nga makigkita kay Duterte kag ‘nag-gate crash’ sa Palasyo. #
