Ginhangkat ni former senator kag subong National Anti-Poverty Commission Sec. Manny Pacquiao ang mga gintawag sini nga Pilipino nga “medyo traydor” nga magbisita sa Pag-asa Island.
Ang Pag-asa island amo ang isla nga nahamtang sa West Philippine Sea ukon sakop sang Philippine Exclusive Economic Zone nga ginapalibutan sang mga barko sang China.
Suno kay Pacquiao, kinahanglan sang mga ini nga maeksperyensyahan ang sitwasyon sa nasambit nga isla nga tubtob subong, ginatinguhaan sa gihapon nga sakupon sang Chinese officials.
Nagapati man ang tiglikom nga dapat mag-ugyon ang mga Pilipino nga ipangigbato ang Pag-asa Island agud indi man ma-uyang ang ginsakripisyo sang mga baganihan para sa pungsod.
Nahibaluan nga ini ang una nga tion nga nakapadulong ang former senator sa isla kun sa diin nagdala ini sang mga ayuda para sa mga residente.
Naghatag man si Pacquaio sang promisa nga magabalik sya sa Pag-asa island kag magahatag sang dugang nga bulig sa mga pumuluyo.
