Ginkumpirma sang 46-anyos nga Pinoy boxing legend nga si Manny Pacquiao nga magabalik siya sa paghampang sa ring.
Kasunod ini sang iya kapaslawan sa iya pagpadalagan bilang senador sa 2025 midterm elections.
Suno kay Pacquiao, tapuson sini ang iya apat ka tuig nga retirement bangud magabalik anay ini sa boxing kontra kay Mario Barrios para sa WBC welterweight title.
Base sa nauna nga reports, matabo ang hampang sang Pinoy kag 29-anyos nga American boxer sa Las Vegas, Nevada sa Hulyo subong nga tuig.
Sa Hunyo, natalana nga malakip ang Filipino fighter sa International Boxing Hall of Fame nga isa ka legasiya nga magabilin sang bugal sa minilyon nga mga Pilipino. Sa induction pormal nga kilalahon si Pacquiao bilang isahanon nga boksidor sa kalibutan nga nakadaog sang major world titles sa walo kag nagkalain-lain nga weight classes kag bilang isa ka 12-time world champion.
Katapusan nga naghampang si Pacquaio batok sa Cuban nga si Yordenis Ugas para sa WBA welterweight crown sang August 21, 2021.
Natabo man ang hampang sa Las Vegas kun sa diin nalutos siya sa unanimous 12-round decision.
