Ginpanindugan sang conditioning coach ni 8th division boxing Manny Pacquiao nga si Justin Fortune ang iya nangin pahayag nga indi na pareho sang bata nga Manny Pacquiao nag naglutos sa best fighter sa walo ka mga division ang boxing champ subong.
Suno kay Fortune mas mabaskog kag mas taktikal nga Manny Pacquiao ang iya makita sa subong kag ginkabig ya ini nga isa ka ‘dangerous fighter.
Dugang pa ni Fortune, apisar 70 na ka mga away ang naatubang ni Pacquiao, nagapabilin man ini sa gihapon na isa ka ‘super fighter’ kag nangin mas delikado ini sa sulod sang ring.
Suno pa kay Fortune, mangin mabudlay kay Thurman ang ini nga away batok kay Pacquiao bangud mas madasig, mas mabaskog kag mas eksperyensyado ang pinoy boxing champ kompara sa American boxer.
Magaatubangay sa sulod sang ring si American boxer Keith Thurman kag 8th Division boxing Champ Manny Pacquiao sa palaabuton nga Hulyo 21 sa MGM Grand Garden Arena sa Los Angeles, Nevada.
