Ginpanindugan ni Senator Manny Pacquiao ang iya gahum bilang presidente sang Partido Demokratiko Pilipino–Lakas ng Bayan ukon PDP-Laban sa pihak sang asud-asud nga verbal attacks halin kay Presidente Rodrigo Duterte kag sa iya nga mga kaalyado.
Si Pacquiao ang presidente sang amo nga ruling party samtang chairman naman si Duterte.
“Hangga’t ako po ang presidente gagampanan ko po ‘yung trabaho ko,” pahayag ni Pacquiao. “Ayaw ko po nasasabihin nung members ng aking partido na wala akong ginagawa.”
Wala nag-ako ukon wala sang direkta nga pahayag si Pacquiao kun ang ugat sang mainit nga away sa tunga sang PDP-Laban members amo ang kwestyon kun sin-o sa ila ang mangin standard bearer sa masunod nga eleksyon.
Apang kadungan sini, ginpahayag sang senador nga wala siya sang plano nga bayaan ang PDP Laban bisan nga may iban nga political parties nga nagabukas sang puertahan sa iya kag handa nga mag-welcome sa iya bilang bag-o nga miyembro.
“Marami pong naaawa sa akin dahil wala naman akong ginagawang masama… Marami pong salamat sa inyong willing na pagtanggap sa akin. Gusto ko ipaalam na nandito pa po ako sa PDP at gusto kong ayusin at turuan ang mga tiwaling miyembro ng partidong ito,” pahayag sang senador.
