Natalana nga magbalik sa boxing ring si former eight-division world champion kag former Senator Manny Pacquiao sa 2023.
Ini matapos nakahimo ini ang agreement sa mixed martial arts promotion nga Rizin Fighting Federation.
Suno kay Pacquiao, natalana pa nga i-anunsyo kun san-o ang sambuwa kag kun sin-o ang iya nga kasumpong, apang excited siya nga makaatubang sa isa ka Japanese fighter.
Indi pa maathag kun official match ang ginatumod sang anay senador ukon isa ka exhibition para sa Rizin.
Ang Rizin amo ang federation nga naga-organize sang kickboxing kag boxing fights.
Antes sini, ginlutos man ni Pacquiao ang Korean mixed martial artist kag YouTuber nga si DK Yoo sa six-round exhibition tatlo ka semana na ang nakaligad sa South Korea. ##
