Ginkumpirma sang Pinoy boxing legend nga si Manny Pacquiao nga magapadalagan ini liwat sa pagka-senador sa 2025 elections.
Suno kay Pacquiao, mapaidalom ini sa Partido Federal ng Pilipinas (PFP) nga amo ang political party ni President Ferdinand Marcos, Jr.
Matandaan nga nagpadalagan si Pacquiao sa pagka-presidente sang Mayo 2022 apang nagpangatlo lamang kay Marcos kag kay anay Vice President Leni Robredo matapos nga nakakuha sang 3.6-million votes.
Masobra isa ka dekada na ini halin sang nagsulod sa pulitika — una amo ang pagka-congressman sa Sarangani umpisa sang 2010, tion nga aktibo pa siya sa professional boxing.
Naeleher pa gid ini liwat tatlo ka tuig ang nakaligad, kag sang 2016, nagpungko ini bilang senador.
Sa nagligad nga elections, nangin kabahin siya sang splinter group sang PDP-Laban nga nagseparar sa bloc nga kaalyado naman ni anay President Rodrigo Duterte.#
