Nagpanawagan si former Senator kag subong National Anti-Poverty Commission (NAPC) Lead Convenor Emmanuel “Manny” Pacquiao sa mga Pilipino nga iya ginlaragway nga “medyo traidor” nga magkadto mismo sa West Philippine Sea.
Suno kay Pacquiao, kinahanglan nga maghiusa ang mga Pilipino kag pangapinan ang kaugalingon nga teritoryo.
“Doon sa mga Pilipino na medyo traydor, dapat pumunta kayo dito para ma-experience ninyo. Doon sa mga Pilipino na nag-aalangan na sa atin ito, dapat ipaglaban natin, magkaisa tayo,” suno kay Pacquiao.
Dugang sang boxing leged, kanugon lang sang kabuhi nga ginbuwis sang mga katigulangan sang una kun wala man ginapakigbato ang pungsod.
“Sayang ang mga buhay na binuwis ng ating mga ninuno para tayo ay magkaroon ng demokrasya sa bansa natin. Buhay din ang binuwis nila para ipaglaban ang ating bansa.”
Nahibaluan nga nagkadto si Pacquiao sa Pag-asa Island sa Palawan para mahatag ang ₱500,000 nga livelihood assistance sa mga manugpangisda nga apektado sang mainit nga tension sa West Philippine Sea.
