Nagsaka ang Pinoy boxing icon nga si Manny Pacquiao sa number one sa World Boxing Council (WBC) welterweight ranking.
Ini matapos ang iya nga comeback fight batok sa American boxer nga si Mario Barrios nga nagtakop sa majority draw sang nagligad nga bulan sa Las Vegas, Nevada, USA.
Kasunod sini nga ranking sa WBC, posible nga may matabo nga rematch batok kay Barrios.
46-anyos na ang eight-division world champion kag sa iya hampang batok sa 30-anyos nga American fighter, siya ang underdog, apang sa aktwal na nga sambuwa, leading pa siya sa tanan nga scorecards sa nine rounds kag kun nagdaog kuntani ini sang amo nga tion, siya ang mangin second-oldest world champion sa boxing history.
Gina-uyatan sini ang record nga 62 wins, 8 losses, kag 2 draws, nga may 39 knockouts.
Una na nga naghatag sang clue ang Hall-of-Famer nga maga-away siya liwat sa Disyembre, apang wala ini sang kumpirmasyon kun sa Estados Unidos sa gihapon ang iya hampang.
