Ginkuwestiyon ni Senator-judge Robin Padilla kun ngaa padayon nga ginamitlang sa impeachment trial ang pangalan ni anay Presidente Rodrigo Duterte kaangot sa mga bank records nga ginapresentar sa Senado.
Sa pagpamangkot kay BPI witness Marwin Galvez, ginpahayag ni Padilla nga natingala siya nga pila ka beses na nga namitlang ang pangalan sang anay presidente nga pareho nga may joint account kay Vice President Sara Duterte.
Nauna na nga ginkumpirma ni Galvez ang pag-angkon sang joint bank account nanday Vice President Sara Duterte kag iya amay.
Suno sa testimonya, may duwa ka time deposit sa idalom sang amo nga joint account nga naglab-ot sa P96 milyon, isa ka P41-milyon nga time deposit sang 2010 kag isa pa ka P55 milyon nga sang ulihi na-convert sa manager’s check.
