ILOILO CITY – Ginatipon pa sang Muslim Community sa palibot sang Rehiyon ang mga pangalan sang mga evacuees nga nagbiya sa Marawi City kag nagdangop sa ila mga himata sa palibot sang Rehiyon ilabi na diri sa syudad sang Iloilo.
Sa interview sang Bombo Radyo kay Jerry Macaba, gin-athag sini nga wala pa nila mapahibalo ang pulis tuhoy sa pag-abot sang mga evacuees halin sa Marawi City tungod man nga indi tingob ang pag-abot sang mga ini ilabi na diri sa syudad sang Iloilo.
Dugang pa ni Macaba, wala na ginbudlayan pa ang ila mga himata sa pagpadulong sa syudad kag mas ginpili nalang nga magpadulong diri kaysa magpabilin pa sa mga evacuation centers.
Kadungan sini, liwat ginpasiguro ni Macaba nga wala sang kaangtanan sa rebelde nga grupo sang Maute ang mga nagkari sa syudad sang Iloilo.