ILOILO CITY – Nangin matalunsay ang pag abot sang mga repatriated Overseas Filipino Workers sa Iloilo nga nastranded sa Metro Manila.
Sa interview sang Bombo Radyo kay Elme Balicocha, isa sa mga ginrepatriate nga Overseas Filipino Worker gikan sa Carles, Iloilo iya ginpahayag nga gilayon sila nga gindala sa hotel sa diin magapaidalom sila sa 14 ka adlaw nga quarantine.
Suno kay Balicocha, pag abot nila sa hotel may yara naman sang nakahanda nga pagkaon para sa ila.
Sa subong suno sa natungdan, wala pa sang napalab-ot sa ila nga plano may kaangtanan sa schedule sang swab test.
Dugang pa ni Balicocha, wala pa man naka abiso ang Local Government Unit sang ila banwa kun ano ang matabo pagkatapos maggwa ang resulta sang ila swab test.
