ILOILO CITY–Nagsentro sa pag-angkon sang kalinong kag paghugpong sang mga pumuluyo sang syudad sang
Iloilo ang kaundan sang New Year’s message ni Mayor Jose Espinosa III.
Sa interview sang Bombo Radyo kay Espinosa, iya ginpahayag nga indi mag-uswag ang syudad kun wala nagahangpanay kag wala sang kalinong sa tunga sang mga pumuluyo.
Nagalaum man ang alkalde nga kadungan sang bag-ong tuig, dulaon na ang pagbinutig nga isa sa pulo ka sugo sang Ginuo.
Wala man direkta nga gintumod ni Espinosa kun sin-o ang iya ginapabati bati-an apang ginpahayag iya ginpahayag nga ang iya mensahe ang para sa tanan nga pumuluyo sang syudad.