Dako ang mabulig sang proper disposal sang waste ukon higko kag proper sanitation ilabi na subong nga may COVID-19 pandemic.
Ini ang ginpahayag ni Dr. Elvin Tiangha, medical expert, may kaangtanan sa pagdumdom sa World Toilet Day sang Nobyembre 19 sa diin may tema ini nga sustainable sanitation kag climate change.
Sa interview sang Bombo Radyo kay Dr. Tiangha, iya ginpahayag nga kapin 10 ka milyon ang pamilya sa pungsod Pilipinas ang wala sang kaugalingon nga basin ukon toilet.
Pahayag ni Dr. Tiangha, kun wala sang insakto nga waste management ang isa ka tawo, tunaan ini sang madamo nga masakit angay sang gastrointestinal diseases, cholera, typhoid fever, kag iban pa.
Dugang pa sang natungdan nga may tema naman nga A Toilet for every Juan ang pungsod Pilipinas sa pagsaulog sang World Toilet Day sa diin may ginapatigayon nga mga online seminar ang Department of Health sa mga malayo nga lugar agud matudluan ang pumuluyo sang insakto nga sanitation.
