ILOILO CITY – Mangayo sang paathag ang pamilya Gonzales sa national council sang PDP-Laban may kaangtanan sa pag-appoint sang partido kay Rep. Jerry Treñas nga council president diri sa siyudad sang Iloilo.
Apang indi nila ini prayoridad suno kay Dr. Marigold Gonzales, anak ni anay Justice Secretary Raul Gonzales kag ni Dr. Pacita Gonzales nga nagapakilala nga presidente sang PDP-Laban sa siyudad.
Sa interview sang Bombo Radyo, ginpahayag ni Dr. Gonzales nga wala sila sang ideya angot sa appointment ni Treñas.
Indi man ini big deal sa ila suno kay Gonzales kag ginpanginbulahan ang mamalidha.
Wala man nila ginapilit ang ila kaugalingon suno kay Gonzales, agud makakuha sang posisyon sa PDP-Laban.
Paathag pa ni Dr. Gonzales nga sang gin-appoint ang iya iloy, ang partido ang nagtanyag sini kag indi sila ang nag-lobby.
Nagpabati-bati pa si Gonzales nga may mga tawo sa siyudad nga ginahimo ang tanan nga paagi agud makakuha sang posisyon sa PDP-Laban.