𝗗𝗔𝗩𝗔𝗢 𝗖𝗜𝗧𝗬—Ginalantaw sang isa ka abogado nga nagpangita sang pamaagi ang kampo ni Kingdom of Jesus Christ (KOJC) leader Pastor Apollo Quiboloy agud nga mapahalin ang mga kapulisan sa ila compound.
Ini kasunod man sang pag-apruba sang Davao City Regional Trial Court sang temporary protection order sa Kingdom of Jesus Christ (KOJC).
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga ang tikang ang isa ka pamaaagi agud nga ma-humper ang operasyon sang kapulisan sa pagpatuman sang law enforcement kay batok kay Quiboloy bangud man sa sampaw-sampaw sini nga arrest warrants.
Suno kay Pueblo, masami nga mabatian sa myembro nga armado ang mga pulis, apang, gin-athag sini nga ang mga shield nga bitbit sang pulis ang indi isa ka armas bangud ini agud madepensahan ang ila kaugalingon kon hinali nga magkinagamo sa lugar.
Gintumod man sini nga ang desisyon sang Davao City Regional Trial Court ang mangin palaagyan agud mapahagan-hagan ang violence sa operasyon sa KOJC compound.
Nahibaluan nga nakasaad sa protection order ang pagkakas sang mga barikada nga nakahamtang sa KOJC compound agud nga wala na sang makasulod pa.
