𝗠𝗔𝗡𝗜𝗟𝗔 — Mahimo nga makadula sang gamay nga pagnubo sa presyo sang imported nga diesel ang mga pag-atake sang Israel kag sang Hezbollah batok sa isa kag isa sa Middle East.
Ginalauman ni Jetti Petroleum President Leo Bellas nga magataas ang presyo sang gasolina sa masunod nga semana, samtang ang presyo sang diesel mahimo nga magpabilin nga amo lang ukon magtaas pa bangud sang epekto sang geopolitical tension sa presyo sang merkado sang kalibutan.
Kun balikan, nagnubo ang presyo sang langis sa katapusan nga pila ka adlaw sang Hulyo.
Una na nga ginpahayag ni Department of Energy Asst. Director Rodela Romero nga ang nagalala nga inaway sa tunga sang Israel kag Hezbollah mahimo nga magtuga sang pagtaas sang internasyonal nga presyo.
Ang mga humalampang sang Liquefied petroleum gas, sa pihak nga bahin, nag-anunsyo sang masunod nga minimal nga pagtaas sang presyo umpisa Agosto 1:
Petron: P0.30/kg nga pagtaas
Solane: P0.27/kg nga pagtaas
Apang ginklaro sang mga manufacturer sang LPG nga indi pa ipatuman ang price adjustment sa Metro Manila kag iban pa nga lugar nga yara sa idalom sang state of calamity.
Sa idalom sang pagsulundan, magalawig lamang sang 15 ka adlaw ang price freeze para sa LPG kag kerosene. Apang nagapabilin nga indi maathag kon san-o ipatuman ang aktwal nga pagtaas sang presyo para sa LPG, bangud ang tagsa ka lokal nga panguluhan may lainlain nga petsa sang deklarasyon sang kalamidad.
Nahibaluan nga ginpaidalum sa state of calamity ang Metro Manila sang Hulyo 24 bangud sa paglalas sang bagyo Carina.
Ginpaidalum man sa state of calamity ang Oriental Mindoro, Batangas, Cavite, Bataan kag Bulacan.
