Nag-post si anay Philippine National Police (PNP) chief kag subong Senador Ping Lacson nga may “credible source” nga nagpanugid sa iya nga may chief executive officer (CEO) nagikan sa bantog nga casino hotel nga ginaalegar nga nagtanyag sang ila ballroom bilang venue sang “charity boxing match” sa tunga nanday Police Chief General Nicolas Torre III kag Davao City Acting Mayor Baste Duterte.
“A credible source told me last night, the CEO of a popular resort casino hotel, a well-known philanthropist is willing to open their ballroom for the “charity boxing match” between Nick Torre and Baste Duterte. For the sake the many poor flood victims, let’s do it,” post ni Lacson sa X subong nga aga, Hulyo 24.
Matandaan nga nanghangkat si Baste sang tapungulay, kag nagsabat si Torre nga handa siya mag-atubang sa isa ka charity boxing match bisan sa Araneta sa Domingo.
“Kasi matapang ka lang naman you have the position. Pero kung suntukan tayo alam kong makaya kita. But then you’re a coward,” kabahin sang paghangkat sang acting mayor sa vlog nga gin-upload sang Domingo.
Wala ini ginpalampas ni Torre. Sabat sang PNP chief: “Ang una kong naisip, uy tamang-tama. Maraming kababayan natin ngayon ang nangangailangan ng tulong na naapektuhan ng bagyo at baha. Maybe, this is a very good time para sa isang charity boxing match.”
Dugang sini, “We can do it on Sunday sa Araneta. Actually, puwede. Seriously, it’s okay. Maganda yan charity at least makatulong kami ni Mayor Baste sa ating mga kababayang nasalanta yung proceed kung ano man. Sigurado maraming manonood nyan.”
Naga-edad na sang 55-anyos ang hepe sang pulisya, samtang 37-anyos naman ang anak ni former President Rodrigo Duterte.
