ILOILO CITY – Ginalantaw ang pag-auto trip sang tanan nga units sang Panay Energy Development Corporation bilang rason sang unscheduled power interruption.
Nahibaluan nga apektado ang franchise areas nga ginalakipan sang electric cooperatives sa Panay, Negros kag Guimaras.
Ini ang nagresulta sang kakulangan sang supply elektrisidad sa Western Visayas. Sa interview sang Bombo Radyo kay Engineer Erick Sarino, Assistant Vice President kag Plant Manager sang Panay Energy Development Corporation, iya ginpanginwala ang alegasyon matapos nga ginatudlo ang planta bilang rason sang power outage.
Suno kay Sarino, sa tion nga makahatag sang feedback power ang National Grid Corporation of the Philippines, makaumpisa na ang mga ini sa pag-restore sang power.
Nahibaluan nga ang planta sang Panay Energy Development Corporation nga ginalakipan sang Unit 1 kag 3 ang nag trip off.
Ginaimbestigaran pa sa karon ang rason sang trippings.
