ILOILO CITY – Pagtapna sang kurapsyon sa Bureau of Immigration ang tutukan sang bag-o nga commissioner sang Bureau of Immigration nga si Tobias Javier, tumandok sa Hamtic, Antique.
Sa interview sang Bombo Radyo lloilo, ginpahayag ni Javier nga kadungan sang pag-appoint sa iya sa ahensiya, marching order sang Presidente nga tapnaon ang kurapsyon sa ahensiya.
Suno kay Javier, siya ang mabulos bilang pinuno sang Legal Department nga ginbakante sang kontrobersiyal nga si anay Commissioner Al Argosino nga nasipa sa puwesto matapos ginaalegar nga nagbaton sang $50 million bribe money gikan sa Chinese businessman nga si Jack Lam.
Si Javier ang secretary general sa Region 6 sang PDP-Laban nga partido sang Presidente kag nagserbe ini nga regional campaign manager ni Duterte sa nakalipas nga eleksyon.
Si Javier ang nagtapos sang abogasiya sa Ateneo Law School apang tumandok sang Hamtic, Antique kag tatlo ka beses nga nangin board member sang probinsiya.
Siya ang hinablos ni anay Antique Gov. Exequiel Javier kag ginakabig nga baganihan nga ginpatay sadtong 1986 nga isa sa mga rason sang People Power Revolution sadto.