Ginbalabagan sang Directors’ Guild of the Philippines ang plano sang gobyerno nga i-ban ang Hollywood movie nga “Plane” sa mga sinehan sa Pilipinas.
Suno sa Filipino directors, na-aprubahan na sang Movie and Television Review and Classification Board (MTRCB) ang pag-release sa pelikula apang ginpamatukan sang mga pulitiko.
Ginpahayag pa sang guild nga ang akto sang board nga i-ban ang film base lamang sa grounds nga gin-raise ni Senator Robin Padilla ang makabig nga katumbas sang censorship kag makahalit sa free speech sang mga tawo.
“The Directors’ Guild of the Philippines (DGPI) opposes to stop the showing of this movie, as we believe agency and free choice must remain with the public, rather than imposed by politicians. To out rightly ban the film, especially one already approved the MTRCB, is a cure much worse that the illness itself, injurious to free expression and sets a precedent for films to be held hostage by imagined slights to our country’s reputation,” kabahin sang statement sang DGPI.
Matandaan nga ginkondenar ni Padilla ang amo nga pelikula bangud ginpahayag sini nga ginhalitan sini ang reputasyon sang Pilipinas ilabi na sang Jolo, Sulu ilabi na bangud nakasaad sa movie nga kontrolado sang mga rebelde ang Jolo.
Gin-insister sang senador nga negatibo ini nga pag-portray sa Pilipinas sa tion mismo nga nagapaninguha ang pungsod nga mapabangon ang turismo pagkatapos sang Covid-19 pandemic.
Gin-shoot ang amo nga pelikula sa Puerto Rico kag gin-release sang Enero 13 sa Estados Unidos sang Amerika. ##
