ILOILO CITY – Madamo na sa aton ang posible nga na-stress bangud sang resulta sang eleksyon subong nga tuig.
Tuman na ka-toxic sang social media kag madamo na ang naguba nga relasyon bangud sini.
Ang iban ang nagalab-ot na sa punto nga mag-block, mag-unfriend kag mag-unfollow sang ila abyan ukon paryente bangud man sang indi pareho nga opinyon.
Apang, suno sa isa ka psychiatrist, oops, stop anay. Panumduma anay sang maayo.
Suno kay Dr. Joan Mae Perez-Rifareal sang Department of Psychiatry sa Veterans Memorial Medical Center, natural lang nga mataas ang emosyon sang isa ka tawo kun may ginagyan kag naapektuhan ang thinking brain.
Kung mataas ang emosyon, nagakadula ang logical ukon ang thinking brain ukon ang objectivity sa pagtan-aw sang mga isyu apang dapat nga ipabilin nga bukas ang komunikasyon ilabi na sa social media.
Buot silingon, indi dapat nga mangin judgmental kag mas maayo nga pamatian ang opinyon sang mga abyan.
Ginkabig man ni Dr. Rifareal nga extreme move kun i-block, i-unfriend kag i-unfollow ang isa ka tawo.
Suno sa iya, ang maayo nga himuon amo nga i-hide ukon i-mute anay sila.
Mas maayo suno sa doktor nga mangin “friends” kita sa tanan.
Apang ka-Bombo, indi gid mag-share kag magpati sa fake news sa social media agud nga indi man ma-stress ang imo kahagugma.
